“Tendal” en LNE

Versos prendidos con pinzas
El corverano Berto García edita su sexto libro, “Tendal”, compuesto por veinte poemas inspirados en el peculiar universo de los tendederos de ropa

Las Vegas, Illán GARCÍA
Berto García entiende que los tendederos guardan un “pequeño universo temático que relata lo habitual, lo familiar, cosas a las que apenas se le da importancia”. Ese “mundo” donde se cuelga la ropa y que está prendico con pinzas se ha trasladado a un libro titulado “Tendal” (Suburbia Ediciones, 2013), en el que Berto García repasa a través de veinte palabras vinculadas con el utensilio para tender la ropa una serie de sensaciones que incitan al movimiento, a la fuerza de las pinzas sobre las cuerdas, a la luz necesaria para secar la ropa y a la ventana, “que abre las puertas a la realidad que está en la calle”. “Tendal” es el sexto libro en asturiano de este escritor corverano y reúne veinte reflexiones en forma de poesía.

“Los poemas fueron escritos desde abril a mayo de 2006 y estaban guardados en cajones o en perchas de algún armario y ahora cuelgan en este tendal para después oler a limpio”, describe el escritor corverano.

Esas veinte palabras son objetos como “Ruedes” y “Alambre”, herramientas como “Pinces” o “Manes”, verbos y sensaciones como “Altor” y “Tiempu”. Uno de esos poemas está dedicado a la “ropa”, un
asunto principal a la hora de tender, y se titula “Col pasul’l tiempu”. “La ropa es una parte muy importante de nosotros, es lo que nos cubre”, indica el autor, que ve en su escrito dedicado a las “Manes”, otro poema llamado “P’afuxir d’esti silenciu”, un movimiento para salvar cada palabra y cada pensamiento. Este “Tendal” en papel relata “la verdad de una familia, su pequeño universo; es como si miras a un tendedero y ves una toalla de Ensidesa, resulta sugerente”. “¿Qué tiene de malo un tendal si la ropa se airea en él y además está limpia?”, se pregunta el autor corverano.

Algunos poemas extraídos de “Tendal”

“Lluz”

“Después de cayer”

Y dime: qué pasa

si cuando llegue

la hora d’escoyer

quién soi nel presente

nun voi fuxir

nin escondeme

nun voi pidir

permisu nin ayuda

namás vio llevantame

cola dignidá que-y queda

a cada home

depués de cayer.

“Agua”

“Cristales de silenciu”

Tendríen que llover

cristales de silenciu

nes tiestes roceanes

al entendimientu.

Suburbia Ediciones asoleya’l poemariu Tendal de Berto García

Suburbia Ediciones asoleya’l que ye’l númberu doce de la so colección de poesía males tierres:Tendal de Berto García.

Tendal ye la primer collaboración ente Suburbia Ediciones y el so autor Berto García. Poemariu n’apariencia cenciellu, Tendal explora con técnica ya maestría la cotidianidá dende’l dominiu de la llingua y les metáfores.

“Les cuerdes d’un Tendal que faen de la so cotidianeidá un

instrumentu musical bien afináu. Les pinces, aparente

rudimentu qu’escuende un indiscutible estáu de

perfección, una tecnoloxía mala de superar. Asina ye

esti poemariu, un xuegu de símbolos cenciellos que

sinteticen los universos de Berto García”.

Carlos Suari

“Atrópense nesti llibru venti poemes, escritos

dende abril a agostu del 2006, que taben

guardaos en caxones, o nes perches de dalgún

armariu y qu’agora cuelguen nesti Tendal, pa depués

goler a llimpio, bien prestoso, planchadinos

y curiosos”.

Berto García

 

Vídeo con la presentación de “La otra hija” y “Parentesco” en La Buena Letra

Suburbia Ediciones edita “Un corte de pelo”: Selección de la poesía de Raymond Carver, Edición Billingüe.

Raymond Carver ye, ensin duldes, ún de los grandes maestros de la lliteratura norteamericana del sieglu XX.

Más conocíu polos sos relatos curtios, recoyíos nos llibros ¿Quieres hacer el favor de callarte, por favor? (1976), De qué hablamos cuando hablamos de amor (1981), Catedral (1983) y Elephant (1988), la so poesía malpenes ye nomada fuera d’EEUU. Como poeta espublizó Near Klamath (1968), At Night The Salmon Move (1976) o A New Path to the Waterfall (1989).

Per primer vegada y gracies al llabor de Pablo Texón Castañón, una selección de la so poesía traduzse a la llingua asturiana nesta edición billingüe.

Suburbia Ediciones asoleya “Vida Maleva”

Vida Maleva ye la primer incursión na narrativa d’Arturo Álvarez Fernández “Tangueiro”, más conocíu pola so faceta de poeta. Vida Maleva ta escrita na fala y narra les aventures de Tiana, una moza asturiana qu’emigra a los tumultuosos Buenos Aires d’enantes de la I Guerra Mundial. Ellí va vese envuelta nuna vida enllena de peligros, gansters y conspiraciones polítiques mientres que al so redor pululen personaxes como Carlos Gardel, Goering o Julio “El As de los Guapos”, un asturianu que domina’l submundu bonaerense y que ta basáu nun personaxe real.

Divertida, amena ya interesante, Vida Maleva alluma una dómina y unos fechos que formen parte de la hestoria d’Asturies, la de los homes y muyeres que tuvieron qu’emigrar escapando de la fame y foron a parar a tierres llonxanes onde les coses nun salieron como pensaben, dalgo que, por desgracia, vuelve a ser habitual nestos tiempos.

Entre líneas

Ta acabante presentase en sociedá’l volume Ente líneas, que recueye los rellatos ganadores nel I Premio de Narrativa Breve convocáu pol club de fútbol U.C. Ceares.

Suburbia Ediciones collabora con esta iniciativa encargándose de la edición del llibru y de la so catalogación documental. Non asina na distribución del mesmu, que se fai de la mano del U.C. Ceares.

El llibru, encabezáu polos cuentos ganadores de Mar Álvarez, Igor Paskual y Pablo Texón Castañón y prologáu por Kiko Amat, pue pidise escribiendo a: ucceares@gmail.com.

Tolos beneficios que s’obtengan de la so venta van íntegros pal U.C. Ceares, pa que siga desenrollando iniciatives tan prestoses como esta.

Presentamos la nueva novela d’Adolfo Camilo Díaz

Con Espankin Adolfo Camilo Díaz retorna a la novela negra, probablemente‘l xéneru que meyor manexa y pol que se dio a conocer. Espankin  ye la crónica de la cayida nos infiernos de Gloria, maestra de clase media con una vida perfecta. L’accidente d’una de les sos alumnes y la apaición d‘unes semeyes van facer que la so vida se ximielgue porque ¿quién y por qué quier face-y dañu?

Adolfo Camilo Díaz, narrador, ensayista, dramaturgu, músicu… posee una de les voces más orixinales del panorama lliterariu asturianu. Nel añu 1985 ganó’l premiu Xosefa Xovellanos cola novela Añada pa un güeyu muertu (reeditada por Suburbia Ediciones), experimentó cola novela negra en Miénteme, dime la verdá (1989) y cola novela xuvenil (Blugás, 1993). Diariu de viaxe (1996), Imago (2007) y Advenimientu (2009) son les otres tres noveles del autor premiaes col Xosefa Xovellanos. Suyes son tamién les obres de teatru Psicokiller (1993), País. Una traxicomedia asturiana (2004) y Wulf (2005); esta última Premiu de Testos Teatrales Alejandro Casona 2005.

Nuevu poemariu de X.I. Pidal Montes

Ensin bones referencies ye’l primer llibru espublizáu n’asturianu pol autor Xosé I. Pidal Montes, conocíu por ser miembru y cofundador de los colectivos Versoadictos y Versos Llibres, asina como pola so presencia nes Timbes Poétiques organizaes polos poetes mozos más conocíos del panorama asturianu como Pablo X. Suárez y Rubén d’Areñes.

Ensin bones referencies ye un reflexu de veces íntimu, de veces realista, hasta’l llímite que reflexa sin vendes el clima de trabayu duru, reivindicaciones y drogues de la cuenca minera na que creció l’autor.

 

Llega a les llibreríes “El xaretón del embeligru”

Esta selmana, Suburbia Ediciones pon a la venta’l llibru de relatos de Milio Mariño El xaretón del embeligru.

Son trece rellatos, escritos nun asturianu cenciellu y candial, nos que l’autor, con retranca y mui bon humor, apurre una güeyada particular de la vida de cutio y de les chifladures que nos aforfuguen y nun nos atrevemos a dexar salir, pol aquello de que nun vayan pensar que, daveres, tamos chiflaos.

Un llibru apináu de realismu, comicidá, más la güeyada crítica qu’aveza gastar Mariño en tola so obra, tanto periodística como de ficción.

Milio Mariño foi collaborador del selmanariu Les Noticies y ye habitual articulista d’opinión nel diariu La Nueva España. Tien ganao bien de premios lliterarios tanto en castellanu como n’asturianu.

El príncipe derviche

Suburbia Ediciones asoleya la novela ganadora del XXXII premiu Xosefa Xovellanos: El príncipe derviche, de Xandru Fernández.

La historia d’El príncipe derviche trespórtanos a los años caberos del sieglu XIX y a diversos llugares del mapa del Imperiu Austro-Húngaru, nun contestu de conspiraciones, intrigues polítiques y persecuciones. Otra manera, ye tamién la historia de la bomba qu’acabó con Antonio Udina Burbur, l’últimu falante en mundu de la llingua dálmata.

El príncipe derviche supón el regresu de Xandru Fernández a la narrativa llarga, desque publicara en 2006 La banda sonora del paraísu. Autor d’obres como Los homes de bronce (2001), Les ruines (2004; reeditada por Suburbia Ediciones en 2011) y Entierros de xente famoso (Suburbia Ediciones, 2008), Xandru Fernández yá ganara’l premiu Xosefa Xovellanos n’otres dos ocasiones, en 1993 con El club de los inocentes y en 1999 con El suañu de los páxaros de sable.

El príncipe derviche sal a la venta’l día 1 d’ochobre.

PVP: 12 euros (IVA incluyíu)