Colección camín de Bree

N’homenaxe evidente a J.R.R. Tolkien, la colección de lliteratura infantil de Suburbia Ediciones garra’l nome de camín de Bree. Una colección que va dar muncho que falar y, lo que ye más importante, muncho que lleer.

Iris Díaz Trancho: Mio ma, la pirata

Ilustraciones de Gloria Caamaño

L’oficiu de pirata yá nun ye lo que yera. Barba Negra lleva un restaurante, Barba Roxa fízose xastre y un grupu de pirates africanos punxo una cooperativa d’agricultura. Cola ayuda d’un sestante y una perra llamada Pulga, mio ma y yo diremos tres el rastru d’una llave qu’abre un tesoru escondíu na islla de Madagascar. Un viaxe que va cambiar, pa siempre, les nuestres vides de pirates.

Xurde Fernández y Marián García: L’árbol de la verdá

Ilustraciones de Gloria Caamaño

Un llibru d’aventures onde los llectores pueden escoyer qué argumentu-yos presta siguir y ver a qué final los conduz.
Los autores: Xurde Fernández (Candás, 1975) ye filólogu y profesor de llingua asturiana, amás d’escritor y estudiosu de la cultura asturiana. Autor de Volver, La espera, Intentu d’escritura, tien llograo premios lliterarios como’l Llorienzu Novo Mier nel añu 2008 con Díes d’iviernu. Marián García (Xixón, 1975) ye filóloga y Esperta en Llingua Asturiana pola Universidá d’Uviéu. Anguaño ye profesora de Llingua Asturiana en Xixón. Dambos los dos, amás de collaborar na novela El color del escaezu y nel llibru infantil L’árbol de la verdá (Suburbia Ediciones), foron finalistes nel premiu Asturnews de lliteratura infantil con Febreru 29, y son autores del manual A la gueta del material espardío. Llingua asturiana y lliteratura (Conseyería d’Educación y Ciencia, 2008).

Llucía Tejerina: Nel circu lusu

Ilustraciones de Marcos Vigo

Nel circu lusu ye la primer aventura (pero de xuru que non la última) protagonizada por Sira, una neña perinquieta, sorriyona ya imaxinativa. Un llibru orientáu a primeros llectores.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

el sitiu de noticies de Suburbia Ediciones

%d bloggers like this: