Cuando la pallabra se declama en públicu, escapa de les llendes de la páxina impresa. Asina ocurre nel teatru, y por eso Pallabres al vientu ye’l títulu de la colección de teatru de Suburbia Ediciones.
1. Xulio Arbesú: Les siete novies del rei
El rei va casase, el problema ye que-yos prometió matrimoniu a siete moces y agora les afortunaes (?) tienen que pasar per diverses prebes pa saber quién ye la elexida. Xulio Arbesú (Potestas, El pisu d’enriba) demuestra que, a veces, la meyor manera de conocer el presente ye rise del pasáu. En pallabres del propiu autor: (…) equí me teníes a mi, que soi de los de tarariar l’himnu de Riego tolos catorce d’abril, escribiendo una obra monárquica dedicada a aquel rei asturianu que, según remotes cróniques, vivió nel valle del Nalón, y valió pa da-y apellíu al conceyu de San Martín. Con un protagonismu tan femenín y numberosu, nun podía asemeyase muncho a La venganza de don Mendo. Hubi de renunciar a tan prestosu modelu, pero vive Dios que nun contaba renunciar a tres coses: Que la obra diba ser cómica, y escrita en versu, y con una escena a base de pallabres esdrúxules .
Suburbia 