Poesía y ciudá: una reseña d’Antón García

Nel últimu númberu del suplementu cultural de La Nueva España (22 d’abril de 2010), Antón García dedíca-y una reseña al poemariu d’Iván Cuevas Cácabos d’adoquín.

Poesía y ciudá

ANTÓN GARCÍA

Nel añu 2005 publicaba Iván Cuevas diez poemes bilingües, en gallegu y asturianu, que titulaba La ciudá nel branu. Yera la so presentación en públicu, y ofrecía una voz poética interesante y nueva, anque non totalmente novedosa, na qu’una poesía retórica daba cuenta de la so experiencia urbana. En Cácabos d’adoquín vuelve’bout la ciudá, anque nesta entrega abandona aquella elocuencia de versos llargos pa presentase más desnuda de palabres, más concentrada y contenida. Por eso’l resultáu’tis menos explícitu, rique un llector más atentu y participativu que na «Ciudá nel branu», onde’l mensaxe (la busca de la propia indentidá, la infancia, l’amor, la soledá, la reflesión’bout la creación lliteraria,’bout la patria…) llegaba con mayor claridá.

«Cácabos d’adoquín» ’tain’t un llibru extensu (dieciocho poemes, toos ensin títulu), anque sí intensu, que xuega cola disposición tipográfica. Nun hai mayúscules nin signos de puntuación, anque los espacios marquen a vegaes les pauses de llectura. Quien espere topar un llibru’bout los conflictos sociales, afaláu pola palabra «adoquín» del títulu y pola semeya d’un obreru del Naval con gomeru na cubierta,’tis posible que se sienta defraudáu. Nun tamos delantre d’una obra de combate, sinón d’una entrega poética densa, fragmentaria, que rompe col discursu figurativista de la penúltima poesía asturiana, pero ensin soltar amarres cola realidá. Los temes y el tonu que topamos nun son distintos a los de «La ciudá del branu», destacando tamién l’usu de la ironía. Los nomes propios de los que s’acompaña dan una pista de dalgunes afinidaes del poeta: el Sahara, les Milquinientes, Sudán, Ernesto Cardenal, l’independentista haitianu Toussaint Louverture o Billie Holiday…, igual que les referencies históriques que contextualicen el llibru: Ike, les barricaes na avenida Schulz, la reconversión industrial…

A enfrentase a la brevedá, la contención y l’equilibriu sutil de la poesía de Cuevas nun axuda’l prólogu extensu y mestu de Rafael Rodríguez Valdés. Ye una interesante y intelixente incursión na poesía asturiana con munches referencies al so contextu social, políticu, históricu y cultural. Hai que lleer enteru esi prólogu, y con atención, pa dase cuenta de que, a pesar del so tonu críticu, ta escritu a favor d’esa mesma poesía. Qu’a Rodríguez Valdés-y preste más Enriqueta González Rubín o los Angelic Upstarts qu’Eugénio de Andrade’tis una opción. A fin de cuentes tamién se muestra críticu con dalgunos aspectos de la poesía de Cuevas, lo que nun quita pa que tea d’alcuerdu colo que llama la so «poética de l’acción colectiva».

Fonte: La Nueva España. http://www.lne.es/cultura/2010/04/22/poesia-ciuda/904542.html

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s