Comentarios

A veces recibimos dalgún comentariu que decidimos nun publicar. Esto suel enfadar a los firmantes. Ye comprensible. Pero esi enfadu nun va facer que cambiemos la única norma que siguimos al respective: que los comentarios, sobre too si contienen referencies a terceres persones, vengan firmaos.

Esti blogue ye pa dar anuncia de novedaes de Suburbia Ediciones y pa recoyer, na midida de lo posible, l’ecu qu’eses novedaes puedan dir algamando. Si se diere la oportunidá, tamién diba sirvir pa debatir cuestiones rellacionaes col mundu lliterariu asturianu (o de cualquier parte del mundu). Pero siempre dientro de los márxenes del respetu.

“Mio ma, la pirata”: la web

Mio ma, la pirata yá tien una web propia. Un sitiu onde pues descargar noticies, material didácticu y tolo rellacionao con esta historia d’aventures fuera de lo común.

Pues acceder al sitiu calcando equí.

Un nuevu proyectu

Yá ta en marcha: Suburbia Ediciones y Algamar Producciones van collaborar nun proyectu lliterariu y musical que va ver la lluz pal 2011.

Siguiremos informando.

En puertes

Tamos en puertes de cellebrar el Día del Llibru y el Día de les Lletres Asturianes. Suburbia Ediciones ta en puertes de cellebrar los sos primeros trés años d’esistencia. Y tamos en puertes de presentar, nos próximos díes, un puñáu de novedaes y delles sorpreses. Ye un momentu tan afayadizu como cualquier otru pa presentar esti blogue, que nun sustitúi sinón que complementa a la páxina oficial de la editorial www.suburbiaediciones.com.

Equí vamos dexar constancia de noticies sobre llanzamientos, novedaes, proyectos, entrevistes colos nuesos autores, reseñes de los nuesos llibros y muncho más.

Afayáivos.