Presentamos el primer llibru de Cristina Menéndez Martín
Ochobre 24, 2011
Cristina Menéndez Martín ye una voz nueva na poesía asturiana. En Suburbia Ediciones creemos que’l llabor editorial nun ye sólo diseñar llibros y mandalos a la imprenta, sinón tamién dar a conocer nomes nuevos, autores con dalgo que dicir. Ye’l casu d’esti poemariu que tenemos el placer de presentar: Pallabres sin dicir. Pallabres d’una autora con muncho que dicir.
En pallabres del escritor y académicu de la llingua Roberto González-Quevedo, “’Pallabres sin dicir’ abre un nuevu camín. Toi seguru de qu’esti camín pasará por munchos otros volúmenes y poemes, afondando asina’l llabor estéticu de les nueves voces de la poesía asturiana, que necesita, que sigue necesitando, almes nueves”.
